Të bëhesh nënë është gjëja më e bukur në botë. Por për një grua gjermane mund të thuhet se ka ndodhur një mrekulli.
Ajo është 65 vjeçe dhe ka gjithësej 13 fëmijë nga 4 burrat të ndryshëm. Por katër fëmijët e fundit që i ka binjak ajo i lindi duke iu nënshtrua një procedure të mbarësimit artificial në Ukrainë.
Të tre djemtë dhe një vajza e saj lindën para kohe në një spital të Berlinit. Nëna Annegret Raunigk, është një mësuese anglo-ruse që po shkon drejt pensionit dhe e cila përveç që është nënë e 13 fëmijëve, është gjyshe e shtatë nipave dhe mbesave. Po ashtu e ditur bëhet se ajo është gruaja më e vjetër në botë që ka lindur katërnjakë.
Ajo donte të kishte vetëm një fëmijë që mos ta kalonte kohën e pensionit vetëm, por u bekua me më shumë dhe kjo për të është një mrekulli.
